جودة الحياة
ايمتا بتصير التضحية بالنفس خسارة لجودة الحياة؟ 🥺❤️🩹
في ناس طيبين لدرجة مؤذية. ودائماً لما بقول هالجملة بستغرب من ردة فعل الناس. لأنهم متعودين يسمعوا إن التضحية شي جميل. وهي فعلاً جميلة بس لحد معين.
مرة سألت عميلة:
آخر مرة عملتي شي كرمالك إمتى كانت؟ سكتت .وفكرت. وبعدين قالت: ما بتذكر
كانت أم رائعة. وزوجة ملتزمة. وبنت بارة. وصديقة وفية. بس نسيت تكون إنسانة عندها احتياجات. كانت تعطي الجميع. وتنتظر من حدا ينتبه إنها تعبت.
لكن الحقيقة المؤلمة هي: مو كل الناس رح ينتبهوا. وأحياناً نحنا نفسنا منساهم. في فرق بين إنك تساعد الناس…وبين إنك تلغي نفسك. في فرق بين الكرم… وبين الاستنزاف.
وفي فرق بين الحب…وبين الخوف من رفض الآخرين.
لأن بعض الناس ما بيقولوا نعم لأنهم بدهم. بيقولوا نعم لأنهم خايفين يقولوا لا.
يلا ياعظيم/ة خطوتين عمليتين
✅
الخطوة الأولى:
اليوم اسأل حالك:
“آخر ثلاث أشياء عملتها كرمالي أنا شو هنن؟”
إذا ما قدرت تتذكر… يمكن تكون عم تعطي أكتر مما عم تستقبل.
الخطوة الثانية:
قبل أي موافقة جديدة… وقف خمس ثواني
واسأل:
“أنا فعلاً بدي هالشي؟ ولا خايف من ردة فعل الطرف التاني؟”
💚👑 تذكر
الناس اللي بتحبك صح ما رح تخسرك لأنك حطيت حدود. وما رح تعتبر اهتمامك بنفسك أنانية. جودة الحياة ما بتنبنى فقط على العطاء… بتنبنى على التوازن.
لأنك إذا ضليت تعبي كاسات الجميع وتنسى كاستك رح يجي يوم وما يبقى عندك شي تعطيه لا لنفسك ولا لغيرك.
.A
