التفكير الزائد

ليش بفكر كتير لدرجة بتعب؟🥺❤️‍🩹

إذا كنت من الناس اللي بتعيد نفس الموقف براسها عشرات المرات أهلاً فيك.

إذا بتراجع محادثة صارت من أسبوع. وإذا بتفكر بكل احتمال قبل أي قرار. وإذا بتنام وجسمك بالتخت بس عقلك لسا عم يركض فأنت مو لحالك.

مرة عميل قلي:

أنا تعبان من التفكير أكتر من المشكلة نفسها.

وكان صادق. لأن التفكير الزائد بيقنعنا إنه عم يحمينا. بينما هو أحياناً عم يسرق طاقتنا.

العقل بيقلك:

فكر أكتر حتى ما تغلط. حلل أكتر حتى تكون مستعد. راجع أكتر حتى ترتاح.

بس الغريب إنك كل ما فكرت أكتر ارتحت أقل. لأن بعض الأسئلة ما إلها جواب كامل. وبعض المخاوف ما بتنحل بالتفكير. بتنحل بالتجربة.

يلا يا عظيم/ة خطوتين عمليتين✅

الخطوة الأولى:

لما تلاقي حالك عم تفكر بموضوع صارله أكتر من 10 دقائق

اسأل:

هل أنا عم بحل المشكلة؟ ولا عم أعيدها؟

الخطوة الثانية:

اكتب أسوأ احتمال.

ثم اكتب: إذا صار كيف ممكن أتعامل معه؟ رح تكتشف إنك أقوى مما تتخيل.

👑💚 تذكر

العقل مو آلة لازم تشتغل 24 ساعة. وأحياناً الحكمة مو إنك تفكر أكتر الحكمة إنك تعرف إيمتا توقف تفكير وتبدأ تعيش.

.A